| تبليغات | X |
 |
 |
|
| ادبي او فرهنګي وېبلاګ |
|
دپروفيسوراكاډمسين ډاكټر محمد موسي وردګ ژوندليك تاليفات اودولتي دندې ډاكټر محمد موسي وردګ په ۱۹۴۹ كال د وردګو د سيد اباد ولسوالۍ په صدوخيل كلي كې زېږېدلى دى. لومړنۍ زده كړې يې تر شپږم ټولګي پورې دوردګو د تكيې په ښوونځي كې لوستلې او وروسته له هغه تر دولسم ټولګي پورې يې خپلې زده كړې په حربي ښوونځي كې ترسره كړې دي لوړې زده كړې يې د پخواني شوروي اتحاد د كيروف پوځي طب په اكاډمۍ كې دپخواني ليننګراد په ښار كې(ننني سي پطرس بورګ )روسيه كې دام ډي ماسټرۍ دديپلوم او دسرو زرو دمډال په اخيستلو په ۱۹۷۵ كال كې پاي ته ورسولې ، ليكن وردګ په دومره زده كړه بسنه ونه كړه او خپلو لوړو زده كړو ته يې دوام وركړ تر څو په ۱۹۷۷ يې وكړاي شول د ايم ايس او پي ايچ ډي يعني دوكتورا ديپلوم د طب په علومو كې ترلاسه كړي همدا شان وردګ په كال ۱۹۹۲ كې د جراحانو او ارتوپيدي دنړيوال انجمن (سيكوت)غړى منل شوى او د۲۰۰۴ كال راهيسې د روسيې د فدراتيف د ډ اكټرانو د انجمن غړى دى ديادولو ده چې وردګ په ۱۹۸۶ كال كې د افغانستان د علومو لومړنۍ اكاډميسين ونومول شو او همدا شان په ۱۹۸۸ كال كې يې د طب د پوهنځي دپوهاندۍ علمي رتبه هم خپله كړه علمي وياړنې: ديوه اختراع سند او د ۸۶ اتيا نويو جراحي او ارتوپيدي ميتودونو درلودونكي ،چې په نړيواله كچه منل شوي دي. تاليفات: له ۲۰۰ څخه زياتې علمي ليكنې چې د هيواد په بيلابيلو مجلو كې خپرې شوې دي- ۶۹ علمي ليكني په بهرنيومجلوكې- ۱۴ تدريسي كتابونه د هيواد دننه- د روسيې په فدراتيف كې په روسي ژبه د يوه تحقيقي اثر ليكنه - په انګليسي ژبه يو بل تحقيقي اثر چې د سي ډي په بڼه راوړل شوى دى- په ۴۱ بين المللي كنفرانسونو او دوه دنړي د ارتوپيدي ډاكټرانو په كنګره كې برخه اخيستل(په جنوبي كوريا او استانبول كې). په افغانستان كې د ارتوپيدي او تراماتولوژي د ښوونځي موسس ، د روغتيا د مجلې موسس، د څلورو ډاكټرانوروزل د پي ايچ ډي په سويه او د ۳۷ ډاكټرانو د تخصص په سويه روزل .د تراوماتولوګ او اورتوپيدي د نوو او مدرنو ميتودونو دودونكى . دولتي دندې: د سپتيك دجراحي سرويس شف او منځ ته راوستونكى . د وسلوال پوځ د علومواكادمۍ سرطبيب دافغانستان د هغه وخت د اردو د ترماتولوژي امر د پوځي طب موسس او قوماندان د طبي علومو د اكادمۍ عمومي مرستيال د افغانستان د علومو اكادمۍ د طب دعلومو دمركزموسس او افتخاري رييس په ۱۳۷۲ كال كې د جمهوري رياست د مشورتي شورا قوماندان |
|
+ليكوال:
-> عبدالقدير خموش |
|
|
لومړى مخ برېښناليك زيرمتون |
| دويبلاك په هكله |
زه عبدالقدير "خموش" دانجينر صا حب نظر محمد "نوري"زوي په خټه وردگ پښتون ،په 1351 لمريز کال دکب د ميا شتي په شپاړ سمه نيټه دکابل په سلام غونډۍ کي زېږېدلى يم. اصلي پلرنى ټاټوبى مې دوردگو ولا يت چک ولسوالي دعربا نو دسمسورې درې دچورک خيلو کلي دى.
په 1358 لمريز کال دخير خاني ميني دعبدالغفور "نديم" په منځني ښوونځي کي شامل شوم د اتم ټولگي له بشپړولو وروسته مې د نادرئي په ليسه کي خپلي پاتي زده کړې پاي ته ور سولې . دکانکور په ازموينه کي پيداکوژي انستيتيوت ته معرفي شوم او د نوموړي انستيتيوت د ژبواوادبياتوپوهنځۍ پښتوځانگه مې دخپلو عالي زده كړو لپاره غوره كړه دخپل منځني جگړو په پايله کي مې دزدکړې موده اږده شوه ترڅو په 1377 لمريز کال له دغه انيستيتوت څخه بريالى راووتم . له فارغيدو سره جوخت په نوموړي انيستيتوت كې داستاد په توګه ومنل شوم . دکال په تيريدو مي د خپلي څانگي (پښتو) دامريت مسؤليت هم په برخه شو دطالبا نو له ماتي څخه وروسته په 1380 لمريز کال داستا دانو په غوښتنه دپوهنځۍ دتدريسي مرستيال په توگه تعين شوم په 1381 لمريز کال په نا څاپي توگه دمطبوعاتو لمني ته وروغورځيدم اود کليد په اوونيزه کي مي دژورناليست دنده د استادۍ تر څنگ خپله کړه دلږ مودې په تيريدو سره ددغې اوونيزې دپښتو برخې او لږ وروسته ددوا ړو ژبو (پښتو،دري) مسووليت را په غاړه شو .اوددواړو ژبو دکتني استاذى شوم يو کال وروسته دمرسل اوونيزې دتصحيح اوکليد اوونيزې دمرستيالۍ دندې راوسپارل شوه او همداشان دژورنالستۍ د دندې په دوهم کال کې دپخلاينې په نامه ديوې بلې جريدې دتصحيح دنده هم را وسپارل شوه او اوس په دواړو برخو (ژورناليزم او استادۍ) كې په كار بوخت يم هيره دې نه وي چې دهغه وخت پيداګوژي انيستيتوت او س دكابل دښوونې او روزنې په پوهنتون بدل شوى |
| ورځنۍ اړيكې |
|
د احمد فرزان ویبلاګ دورځنيو اړيكو زيرمتون |
| دليكنو زيرمتون |
|
شعرونه لنډې كيسې څېړنيزې ليكنې فلكلوري ليكنې پېژندګلوي په وردگو کی نننۍ او پرونۍ څهری شاعران او ليكوالان خواږه نثرونه |
|
RSS
|